Monday, August 22, 2016

కేవలం సిల్వర్ పతకం పట్టుకొచ్చిన సింధు పట్ల ఇంత ఆర్భాటం అవసరమా?

క్రీడలలో గెలుపు,ఓటములు సహజం. నెగ్గినంత మాత్రాన దేశం పరువు పెరిగిపోదు. ఓడినంత మాత్రాన దేశం పరువు దిగజారిపోదు. మన పిచ్చి కాకపొతే! ఈ ఒలింపిక్స్ లో సిల్వర్ కాయిన్ సాధించుకొచ్చిన సింధు పట్ల రాష్ట్ర ప్రభుత్వాల ఆర్భాటాలు చూస్తుంటే అంతా,ఇంతా కాదు. ఆంధ్ర,తెలంగాణ ప్రభుత్వాలు కలిపి చెరొక 5 కోట్ల చొప్పున మొత్తం 10 కోట్ల రూపాయలు, అక్కడా,ఇక్కడా ప్రభుత్వ స్థలాలు ముట్టజేప్పాయి. మా దగ్గర నిధులే లేవన్న చంద్రబాబు గారు ప్రభుత్వ స్థలం, 5 కోట్ల రూపాయలు ధారబోయడం మరీ విడ్డూరం! దేశానికి ప్రాణాలు పోసి పోరాడే ఒక సైనికుడికి ఈ గౌరవం చేయరు. ఇదేమిటో బంతాట ఆడుకునే వారికి మాత్రం సన్మానాలు,ఊరేగింపులునూ! సింధు వలన దేశానికి ఏమి కలిసి ఒచ్చిందో తెలియదు. కాని కోట్లు కుమ్మరించి వేస్తున్నారు. నా దృష్టిలో ఇంత అవసరం లేదు. ఒక మంచి ప్రభుత్వ ఉద్యోగం ఇచ్చి సత్కరించవచ్చు. ఇవ్వన్నీ చూసి కోట్లు వస్తాయని, పేరు వస్తుందని అందరూ బంతాటలు ఆడుకుంటే దేశం బాగుపడిపోతుందా? ఏమిటి? మిలటరీ నుండి రిటైర్ అయ్యిన చాలా మంది కంపెనీల దగ్గర, ఎ.టి.యం ల దగ్గర సెక్యూరిటీ గార్డులుగా పని చేస్తున్నారు. వీళ్లకు మనం ఇచ్చే గుర్తింపు ఇదేనా? పేద పిల్లల చదువుల పట్ల, నిరుద్యోగుల ఉపాధి పట్ల శ్రద్ధ చూపించని ఈ ప్రభుత్వాలు క్రీడలకు కోట్లు కుమ్మరించడం వలన ఉపయోగం ఏముంది?

Saturday, August 6, 2016

స్వధర్మమంటే ఏమిటి? పర ధర్మమంటే ఏమిటి?

తన స్వంత మతం స్వధర్మమము, పరాయి మతము పరధర్మము అనే భావనలో మనిషి ఉన్నాడు. నిజానికి ఈ విధమైన సిద్ధాంతాన్ని గాని, భావనను గాని మన ధార్మిక గ్రంధాలు కలిగియున్నాయా?

Saturday, July 30, 2016

ప్రధానిగా నరేంద్ర మోడి, ముఖ్యమంత్రిగా చంద్రబాబు అర్హులేనా?

కేంద్రంలోనూ, రాష్ట్రంలోనూ పరిస్తులు ఏమాత్రం అసలు బాగోలేదు. అభివృద్ధి కూడా కనిపించడం లేదు. చంద్రబాబు అమరావతిపైనా, నరేంద్ర మోడి ఇతర మత నిర్మూలనపైన మాత్రమే దృష్టి పెట్టారు. ఈరోజు ఒక వార్త తెలిసింది. నరేంద్ర మోడి గారు గూగుల్ యాడ్స్ సెన్స్ డబ్బులు ఆపేసారట. వాళ్ళు ఏమి చేసారు పాపం. ఎదో బ్లాగింగ్ ను వ్రుత్తిగానూ, Youtube ను తమ కళలకు వేదికగానూ చేసుకుని సంపాదించుకుంటున్నారు. విదేశాల నుండి ఇతర మతస్తులకు వస్తున్న ఫండ్స్ ను అడ్డుకోవడం కోసం వీళ్ళను కూడా నిరోధించడం న్యాయమా? దేశభక్తి ముసుగులో ఇతర మతస్తులను లేకుండా చేయాలనుకోవడం అన్యాయం కాదా? ఆంధ్ర పరిస్థితి అయోమయం.. ఎవరు ఏమి చేస్తున్నారో అర్ధం కావడం లేదు. ప్రత్యేక హోదా ఇవ్వకుండా ముప్పతిప్పలు పెడుతున్న నరేంద్ర మోడిని, ఇంత జరుగుతున్నా మద్దతు ఉపసంహరించుకోకుండా మోడిని పట్టుకు వేలాడుతున్న చంద్రబాబుని ఎలా నమ్మాలి? ఎలా సమర్ధించాలి? వీళ్ళిద్దరూ పరిపాలనకు అర్హులేనా?

Friday, July 22, 2016

డా|| జాకీర్ నాయక్ పై టెర్రరిస్ట్ ముద్ర వేయడం సమంజసమా?

ఒక ప్రసంగీకుడు అదీ మతపరమైన విషయాలు చర్చించేటప్పుడు మనం పరిశీలించడం వల్ల కొంత అద్భుతమైన విషయపరిజ్ఞానం దొరుకుతుంది. అదీ అన్ని మతాల అధ్యయనకర్త అయిన జాకీర్ నాయక్ ప్రసంగాల వలనయితే మరీ ఉపయోగం ఉంటుంది.
ఎవరో మారణహోమానికి పాల్పడిన దుర్మార్గులు ఆ ప్రసంగాల వలనే ఇలా తయారయ్యానని తప్పుడు స్టేట్ మెంట్ ఇస్తే అది నిజమని నమ్మి మన భారతీయుడిగా ప్రపంచదేశాలలో ఖ్యాతిని నెలకొల్పుతున్న ఒక ధార్మిక ప్రసంగీకుడిని టెర్రరిస్ట్ అని ముద్ర వేయాలని చూడడం దారుణం కదూ?
అదే నిజమైతే జాకీర్ నాయక్ ప్రసంగాలకు ముస్లిములతో పాటు అన్ని మతవర్గాల ప్రజలు, మేధావులు లక్షల సంఖ్యలో హాజరవుతారు. వారందరూ టేర్రరిస్తులుగా ఎందుకు మారడం లేదు?
జాకీర్ నాయక్ కంటే దారుణంగా మన నాయకులు ముఖ్యంగా RSS నాయకులు ఎన్ని మత విద్వేష ప్రసంగాలు చేయడం లేదు? ఇవేవీ దారుణం కాదా?
టెర్రరిస్టులు కేవలం ముస్లిములలోనే కాదు...అన్ని మతవర్గాలలోనూ ఉన్నారు.
అయితే అంతర్జాతీయంగా మీడియా కేవలం యూదుల,క్రైస్తవుల చేతుల్లో ఉంది కాబట్టి, వారికి బద్ధ శత్రువులు ముస్లింలే కాబట్టి మరీ ఎక్కువు చేస్తున్నారు. ప్రపoచం చేత నమ్మిస్తున్నారు. యూదుల,క్రైస్తవుల దారుణాలు ఇంతా,అంతా చెప్పండి?
ధర్మం దృష్టి తో కాక మతo దృష్టితో చూసేవాడికి అంతా వ్యతిరేకంగానే కనిపిస్తుంది.

Thursday, July 21, 2016

తెలుగు బ్లాగర్లు ఒకరి గురించి మరొకరు తమ,తమ బ్లాగుల్లో విమర్శిస్తూ టపాలు వ్రాసుకోవడం సమంజసమా?

ఈమధ్య మళ్ళీ ఒక బ్లాగరు గురించి మరొక బ్లాగరు తమ.తమ బ్లాగుల్లో ఘోరంగా విమర్సించు కోవడం చూస్తున్నాము. ఇది ఎంతవరకూ తెలుగు బ్లాగుల ప్రపంచానికి శ్రేయస్కరం? ఇప్పటికే బ్లాగు ప్రపంచం కుప్పకూలిపోయింది. మంచి,మంచి ఆరోగ్యకరమైన బ్లాగులన్నీ ఇంచుమించు మరుగున పడిపోయాయి. ఇటువంటి పరిస్థితులలో తెలుగు బ్లాగుల ప్రపంచాన్ని నిలబెట్టాల్సిందిపోయి ఇలా విమర్శించుకోవడం సమంజసమా?

Friday, January 8, 2016

యేసువారు నిజంగానే ఇండియా వచ్చారన్నది వాస్తవమా? కట్టుకధా?

సాక్ష్యం మేగజైన్ లో వస్తున్న బైబిల్ అంశాలకు కొంతమంది చాలా విలువైన సమాచారంతో కూడిన కొన్ని లింక్స్ అందించడం జరుగుతోంది. వాటిలో యేసు ఇక్కడి భారతదేశం వచ్చి తన తత్వ జ్ఞానాన్ని పెంపొందించుకున్నాడని కధనాలు వ్రాసుకొచ్చారు. ఇవి ఎంతవరకూ వాస్తవికత కలిగియున్నాయి?

Thursday, January 7, 2016

ప్రముఖ సినీ నటి రోజా గారు రాజకీయాలకు పనికొస్తుందా?

ఈమధ్య అసెంబ్లీలో రోజా విషయంలో జరిగిన రగడ తెలిసిందే! ఆమె దుందుడుకు స్వభావం ఎంత మాత్రం పనిచేయదని, ఆమె రాజకీయాలకు దూరంగా ఉండడమే మంచిదని కొంతమంది రాజకీయ విశ్లేషకుల వాదన. ఇది ఎంతవరకు కరెక్ట్?
వీలయితే అసెంబ్లీలో జరిగిన ఈ సన్నివేశం చూడండి..

Sunday, January 3, 2016

మంటగలుస్తున్న మానవత్వం.

3/01/2016 నాటి ఈనాడు పత్రికలోని ఈ వార్త చదివి చాలా బాధపడ్డాను. అసలు మనుషుల ప్రాణాలకు విలువే లేదు. ఎందుకు మనుషులు ఇలా మారిపోతున్నారు? రాక్షస ప్రవృత్తిని నియంత్రించే అవకాశాలే లేవా?

Friday, January 1, 2016

అగ్రిగేటర్లు కామెంట్ల సెక్షన్ తొలగిస్తే ఉపయోగముందా?

అగ్రిగేటర్లలో కామెంట్ల సెక్షన్ ఉంచడం వలననే ఒకరికొకరు దూషించుకోవడం పెరిగిపోయిందన్న వాదన బలంగా ఉంది. కొంతమంది పెట్టె కామెంట్ల కారణంగా మంచి,మంచి బ్లాగులు సైతం కనుమరుగవుతున్నాయన్న వాదన కూడా వస్తోంది. కొంతకాలం కాలం గాని లేక పూర్తిగా ఈ కామెంట్ల సెక్షన్ అగ్రిగేటర్లు తొలగిస్తే మంచిదేనా? 

నూతన సంవత్సర శుభాకాంక్షలు

బ్లాగర్లకు, తెలుగు బ్లాగుల వీక్షకులకు "రచ్చబండ" తరుపున నూతన సంవత్సర శుభాకాంక్షలు. ఇకనుండీ "రచ్చబండ"లో మరిన్ని అంశాలపై చర్చ కొనసాగుతుంది. ఎప్పటిలాగే మీరందరూ కూడా పాల్గొంటారని ఆశిస్తున్నాను.

Thursday, December 24, 2015

"మత మార్పిడి వద్దు...మతి మార్పిడి ముద్దు" అనే నినాదం యొక్క వాస్తవికత ఏమిటి?

ఈమధ్య కాలంలో ఎక్కువుగా మనం చాలా నినాదాలు ఆటోల మీద మోటారు బైకుల మీద చూస్తున్నాము. "గొర్రెల కాపరి వద్దు,గోవుల కాపరే ముద్దు"అని, ఇంకా పరమత౦లో మోక్షం లేదు, స్వమతంలోనే మోక్షముందని" ఇలా ఎన్నో నినాదాలు చూస్తున్నాము. ఈ మధ్యే ఒక ఆటో పై "మత మార్పిడి వద్దు...మతి మార్పిడి ముద్దు" అనే నినాదం కనిపించింది. దాని వాస్తవికత వివరించగలరా?

Sunday, December 20, 2015

ఒక మతం వారి ఆహార నియమాలను మరొక మతం వారు నివారించాలని చూడడం సమంజసమా?

ఈమధ్య ఎక్కువుగా ఆవుమాసంపై జరుగుతున్న రగడ మనకందరికీ తెలిసిందే! ముస్లింలు ఆవులను భక్షిస్తే హిందువులు (అత్యధికులు) పూజిస్తారు. కాబట్టి గోవధ నిషేధ నినాదం అమలు చేయడం సాధ్యమా? మనం పూజిస్తున్నామని ఇతర మతస్తులను నివారింప చూడడం సమంజసమా?

Saturday, December 19, 2015

పురాణాలకు "పుక్కిటి పురాణాలు" అనే వాడుక ఎలా వచ్చింది?

అనేకమంది దృష్టిలో పురాణాలన్నీ ఊహాజనితమే, కల్పిత కధలే అనే భావన బలంగా ఉంది. నిజానికి కొన్ని పురాణాలు నమ్మదగ్గవైతే అత్యధిక పూరాణాలు మాత్రం కేవలం కల్పిత కధలని, మనిషి నీతిని నేర్వడమ్ కోసం వ్రాయబడినవని అంటారు. అందుకనే ఇవ్వన్నీ వింత,వింతగా ఆలోచనలకు నిలబడలేనట్టుగా అనిపిస్తాయి కాబట్టే వీటిని పుక్కిటి పురాణాలుగా పేర్కొంటున్నారని వాదన. నిజానికి వీటికి పుక్కిటి పురాణాలు అనే వాడుక ఎలా వచ్చింది?